Makker, flugur og åt irå smą̊ų krytyr so an beller tag att upą̊ tråy ųolaikų wis.
1: sjäks fuoter
2: skarpt bįeraunggel ą̊ autsaiðun ą̊ kruppem
3: Krupp i trimm dielum (skolle, framkrupp og bakkrupp)

OVD

DA NF KL IS SV NB

Um du ur auti raisę og wavler og sir iet liteð krytyr, beller du bruk iss listų, um du snettelit wil fą̊ rieð ą̊ um eð ir anaðdier ien makk, įe flugå eld noð åt.

OVD

DA NF KL IS SV NB

Makker, flugur og åt bell wårå mugger, flugur, fyöroldrer og mikkel eller. Mjäst åv åvå dier wainggą. Men summer åvå it eð, et dyömes luppur og låyser.

OVD

DA NF KL IS SV NB

Oll fuost irå makkär, flugur og åtę eddję. Mikkler werd daretter klekkter að ien åmu, so jät og jät tast ą̊ werd įe puppa, Að slutę kumb an autyr puppun sos iet sturt krytyr. Mą̊laðkallär wais ur fyöroldrär livå frą̊ dar dier irå egg tast dier werd sturer.

OVD

DA NF KL IS SV NB

Mikkel makker, flugur og åt, et dyömes fyöroldrer, biur, guðfaðertjyner og męrer, sją̊um wįð mjäst um såmårn feðyö dier byöv werman frą̊ suoln för tä dugå fliuoga.

OVD

DA NF KL IS SV NB

Irå iss-jär åtę að noger? Säker swareð ir JU! Et dyömes pollinir biur berbuoską og frukttrainę, so fåmm guoðfruktą.

OVD

DA NF KL IS SV NB

Guðfaðertjyrę jåp uoss auti trägardem dar ą̊ jät blaðlåysär frą̊ blaðum trai’mm. Makkär, flugur og åtę irå og jätå að mikklum krytyrym. Suolruosę jät et dyömes makką, flugur og åtę um såmårn.

OVD

DA NF KL IS SV NB

Makkär, flugur og åtę irå wiktuger og feðyö fåmm wįð luv friðå og ųogås diem og oller bell jåpas að. Iem dain auti trägardem beller du et dyömes så bljåmmą og plantir trai’mm og buoskum dier lika. Du beller og djärå iet aus að diem dar dier bell legg eddję sainų og gem sig.

OVD

DA NF KL IS SV NB

FNes femtund mą̊l yvyr iel wärdę ir tä friðå eð so liv upą̊ land. Makkär, flugur og åtę irå ųogrotteli wiktuger friðå um wilum fuortsett åvå fruktn upi trai’mm og sturų krytyr jär i wärdn.

OVD

DA NF KL IS SV NB

Ur truor du du edd bellt jåp til friðå makką, flugur og åtę?

OVD

DA NF KL IS SV NB